自我紹介

我名叫邱偉欣， aka Marang Khu， 1976年出世tī台灣新竹市， 毋koh真細漢就綴老母搬來高雄倚。客語佮台語lóng是我ê母語， 但是因為環境所致， 台語並客語輾轉真濟。

國中以前ê夢想是做一个雲遊四海ê漢醫兼詩人， che當然是空思啦；我佮一般台灣囡仔仝款， 考試考試考試直直就 án-ne 讀到碩士班－生物系佮性命科學所－去德國留學繼續讀生物相關ê博士。

出國算是雲遊， 性命科學mā有hôe著醫學， 阿， 詩人tī佗位？

轉來台灣以後就mā是順順仔：先做博士後研究， 了後去大學教冊。因為有真濟因為， 落尾辭掉頭路， 翻頭koh去讀碩士、博士－khah倚詩人ê路途彼爿。

我四常對學生講：人有 2 蕊目睭， 物件毋才看著會立體。學問mā仝款， 無經歷過自然科學佮人文學科ê智識累積， 看世界毋是siuⁿ浪漫， 就是siuⁿ冷淡。